Salyanda koronavirusa yoluxma hallarının qarşısının alınması, bu sahədə aparılan profilaktik tədbirlərin səmərəliliyinin yüksəldilməsi məqsədi ilə rayon ərazisində dezinfeksiya işləri hələ də davam etdirilir. Bu məqsədlə rayonun bir sıra küçə və prospektlərində, eləcə də plastik yaşayış massivində dezinfeksiya işləri həyata keçirilir. Bunun üçün rayonun kommunal xidmətinin, gigiyena və epidemiologiya mərkəzinin kollektivi xüsusi gücləndirilmiş iş rejimində çalışır. Hər həftənin şənbə və bazar günlərində rayonda maşınlar vasitəsi ilə xüsusi dezinfeksiyaedici məhlullarla küçə və prospektlər yuyulur. Dezinfeksiya işləri eyni zamanda yaşayış binalarının ümumi istifadə yerlərində, giriş bloklarında, həyət və yaşayış məhəllələrində aparılır. Bununla bərabər, qabaqlayıcı və maarifləndirici tədbirlər də görülür.
