MİHİ Salyan rayon Komitəsinin nəzdində yaradılmış "Gənclərlə iş üzrə Komissiyası"nın "Tədbirlər Planı"na uyğun olaraq 01.02.2023 -cü il tarixində Mədəniyyət İşçiləri Həmkarlar İttifaqı Salyan Rayon Komitəsinin nəzdində yaradılmış "Gənclərlə iş üzrə" Komissiyasının təşkilatçılığı, Biləsuvar Regional Mədəniyyət İdarəsinin Salyan rayon üzrə Nümayəndəliyinin və Tarix Diyarşünaslıq Muzeyinin təşkilatçılığı ilə keçirilən tədbirdə Komitənin sədri, BRMİ Salyan rayon üzrə nümayəndəliyinin Baş məsləhətçisi, xidmət sahəsinə daxil olan müəssisə və təşkilatların gənc əməkdaşları iştirak ediblər. İlk öncə tədbir iştirakçıları tərəfindən 44 günlük Vətən müharibəsində iştirak edən şəhidlərimizin xatirəsini 1 dəqiqəlik sükutla yad edilib.
Tədbir iştirakçıları mövzu ətrafında çıxışlar edərək "Heydər Əliyev və gənclik" mövzusunda ətraflı məlumat verib, Azərbaycan Gəncliyinin keçdiyi şərəfli və qürurlu yolundan bəhs edib, gənclərə öz tövsiyyələrini bildirib, onlara gələcək fəaliyyətlərində uğurlar arzulayıblar. "Gənclər günü"nə həsr edilmiş tədbirin sonunda gənc əməkdaşlara MİHİ Salyan rayon Komitəsi tərəfindən "Fəxri Fərman"təqdim edilmişdir.
