Bu gün məktəblər yenidən şagirdləri qoynuna almışdır. İlk olaraq 6 yaşı tamam olan şakirdlər tədrisə başlayıb.Yeri gəlmişkən qeyd edək ki, bölgələrdə də yeni dərs ilinə lazımı hazırlıq işləri görülmüşdür. Belə ki, məktəb binaları və siniflər əsaslı və cari təmir edilmiş, əyani vasitələrlə zənginləşdirilmişdir.
Salyan rayon təhsil şöbəsindən aldığımız məlumata görə rayonun 53 məktəbinin ibtidai siniflərində ilk zənglər çalınmış və dərslər başlamışdır.
Pandemiya dövrünün tələbləri çərçivəsində başlayan dərslərdə ilk məşğələlər keçirilmişdir.
Azərbaycan RespublikasıTəhsil Nazirinin müvafiq əmrinə əsasən I-IY siniflərdə ilk dərslər “Qarabağ Azərbaycandır” mövzusuna həsr olunmuşdur. Bu gün Salyan rayonu üzrə 2038 şagird birinci sinflərdə ilk dərslərdə iştirak etmişlər. Foto-müxbirimiz Aləddin Ələskərov bu gün Salyan rayonun 2 və 7 saylı məktəblərində olmuş Böyükxanım Əliyevanın, Aygün Manafovanın və Günay Əbilovanın tədrisə başladıqları birinci siniflərdə maraqlı fotolar çəkmişdir.
