Salyan rayonun kənd əməkçiləri çiyid səpdikləri 6134 hektar sahədə bol pambıq məhsulu yetişdirmişlər. Artıq bir neçə gündür ki, bəyaz pambıq sahələrində məhsul yığımına başlanılmışdır.
Anakur.az saytına Salyan DAİM-nin direktoru Tariyel Atamalıyev demişdir ki,
Salyan rayonun kənd əməkçiləri çiyid səpdikləri 1165 hektar sahədə bol pambıq məhsulu yetişdirmişlər. Artıq bir neçə gündür ki, bəyaz pambıq sahələrində məhsul yığımına başlanılmışdır.
Son illər Salyanda pambıqçılıq yeni inkişaf yoluna çıxmış, sahəyə dövlət qayğısının artırılması və elmi texniki yeniliklərin tətbiqi hesabına məhsuldarlıq yüksəlmişdir. İndi respublikamızda pambıqçılıq üzrə ən yüksək məhsuldarlıq Salyan rayonunun ağ qızıl ustalarına aiddir. Ötən il 5010 hektar sahədən 20.367 ton pambıq yığaraq hər hektarın məhsuldarlığını 40,6 sentnerə çatdıran kənd adamlarımız bu göstəricilərin daha da artırılması fikrindədirlər.
Bu ilin yazında pambıqçılıqla məşğul olan 4 şirkət 6135 hektar sahədə məhsul becərilməsi barədə hüquqi və fiziki şəxslərlə müqavilə bağlamışdır. Əkin sahələrinin artırılması ilə yanaşı məhsuldarlığın yüksəldilməsi məqsədi ilə pambığın maşınla yığımına daha geniş meydan veriləcəkdir. Bu məqsədlə 4 ədəd yeni pambıqyığan maşın rayona gətirilmişdir. Mexanizatorlar ümumi məhsulun 90 faizindən çoxunu maşınların gücü ilə toplamaq fikrindədirlər. Bu, məhsuldarlığın yüksəldilməsi ilə yanaşı, maya dəyərinin də aşağı salınmasına şərait yaradacaqdır.
Bir neçə gündür ki, rayonda pambıq yığımına başlanılmışdır. İndiyə kimi 300 tona yaxın məhsul tədarük edilmişdir. Yığımın sürətin artırmaqla yanaşı, əkin sahələrinin defolyasiyasına da ciddi fikir verilir. Artıq 1000 hektar sahədə bu iş tamamlanmışdır.
Dövlət Aqrar İnkişaf mərkəzinin kollektivi bu günlər pambıq qəbulu məntəqələrində olur, nəmlik və zibillik məsələləri ilə bağlı mütəxəssislərlə söhbətlər aparırlar. Eyni zamanda məntəqələrdə texniki təhlükəsizlik qaydalarına əməl edilməsinə ciddi fikir verilir, lazımi ərazilər monitorinq edilərək maarifləndirici izahat işləri aparılır.
Məqsəd Salyanın kənd təsərrüfatı əməkçilərinin digər sahələrdə olduğu kimi pambıqçılq sahəsində qazandıqları artırmaqdır. Uğurlu olsun.
