Rayon Təhsil Şöbəsinin müdiri Xudaverdi Piriyev son illər ölkəmizdə təhsilin inkişafı ilə bağlı kompleks tədbirlərin həyata keçirildiyini vurğulayaraq bildirmişdir ki, təhsil müəssisələrinin maddi-texniki bazasının möhkəmləndirilməsi, müəllimlərin sosial müdafiəsinin gücləndirilməsi istiqamətində atılan addımlar təhsilin keyfiyyətinə birbaşa təsir edən amillərdəndir.
X.Piriyev qəbul imtahanlarında fərqlənən məktəblər və məzunlar haqqında danışmış, qeyd etmişdir ki, qəbul imtahanlarında Salyan rayon R.Qafarov adına Marışlı kənd tam orta məktəbin XI sinif şagirdi, Azərbaycan dili və riyaziyyat üzrə fənn olimpiadalarının rayon və zona mərhələsinin iştirakçısı Zeynalzadə Türkan Elşən qızı I qrup üzrə imtahanda iştirak edərək 660.5 balla rayon üzrə ən yüksək nəticə göstərmişdir.
S.Səmədov adına Parça Xalac kənd tam orta məktəbin XI sinif şagirdi , Respublika Fənn Olimpiadasında Azərbaycan dili və Ədəbiyyat fənni üzrə uğurla iştirak etmiş Məhərrəmova Aytac Cəmil qızı III qrup imtahanında iştirak edərək buraxılış imtahanı ilə birgə 642.7 bal toplamışdır.
A.Bağırov adına Seyidsadıqlı kənd tam orta məktəbin XI sinif şagirdi Gülağa Abdullazadə 1-ci qrup üzrə 638.6 bal, 7 saylı məktəb liseyin Xl sinif şagirdi, Respublika Fənn Olimpiadasında Azərbaycan dili və ədəbiyyat fənninin bürünc medalçısı Kazımova Nərminə Tofiq qızı III qrup üzrə 633 bal toplamışdır.
Salyan rayonun R.Quliyev adına Ərəbqardaşbəyli kənd tam orta məktəbin şagirdi İsmayılova Fatma Elçin qızı 1-ci ixtisas qrupu üzrə 630,8 bal toplamışdır. Salyan rayon 2 saylı tam orta məktəbin məzunu Məmmədov Abdulla Abbas oğlu IV ixtisas qrupu üzrə-623 ballıq nəticə göstərmişdir.
Digər məzunlardan Babayeva Fidan Aqşin qızı Kürqaraqaşlı kənd tam orta məktəbinin yetirməsi 621,3 bal, Süleymanov Abdulla Feyzulla oğlu Kürsəngi kənd tam orta məktəbinin məzunu 620,7 bal, Mürsəlova Gülceyran Şahin qızı Yeni Uluxanlı kənd tam orta məktəbi 616.2 bal, Salyan rayon Elxan Ağayev adına Arbatan kənd tam orta məktəbin şagirdi Muradova Nərmin Ehtiram qızı III qrup üzrə ali məktəblərə qəbul imtahanlarında iştirak edərək 612 bal toplamışlar.
Aşağı Noxudlu kənd tam orta məktəbin məzunu Sadıqova Ləman Şahmar qızı 602,5bal, Salyan şəhər M.Muradxanov adına 6 saylı tam orta məktəbin XI sinif şagirdi Məmmədova Nərgiz Şahin qızı III qrup imtahanında iştirak edərək buraxılış imtahanı ilə birgə 601 bal toplamışlar.
