Anakur.az “MedikForum” saytına istinadla məlumat verir:
Diyetoloq Mixail Ginzburqun sözlərinə görə soğan xərçəng əleyhinə potensialı olan qidalardandır. “Bir çox insanlar aktivləşə biləcək yatan xərçəng ocaqlarına malikdirlər. Əgər iltihab yaranırsa və onun rüşeymləri şişlərə təsir edirsə, bu zaman yenitörəmələrin ekspansiv artımına səbəb olan proseslər baş verə bilər”, - deyə o teleefirdə bildirib.
Mütəxəssis deyib ki, xərçəngin “rüşeymi” qan damarlarından qidalanır. Bununla belə, xərçəng şişi qan damarlarına bitişəndə daha da böyüyür. Bəzi ərzaqların tərkibində bunun qarşısını alan maddələr var.
Ginzburqun fikrincə, soğan bədxassəli şişlərin böyüməsinə mane olan məhsullar sırasındadır.
“Soğanın tərkibində damarın divarlarını gücləndirən və soyuqdəymənin qarşısını ala bilən kvertisin var. Soğan ilə yanaşı, sarımsaq, sarıkök, zəncəfil də onkostatik təsirə malikdir”, -deyə diyetoloq söyləyib.
Ginsburq, bu baxımdan antioksidantların böyük dozalarına malik olan qırmızı soğanın xüsusilə faydalı olduğunu bildirib.
