Cənab Prezidentin Fərmana dəyişikliklərlə bağlı imzaladığı sərəncamın detalları, üstünlükləri və ümumiyyətlə QHT sektoruna faydası haqda tanınmış ekspert, hüquq müdafiəçisi Sahib Məmmədov fikirlərini bölüşüb.
S. Məmmədov bildirib ki, bundan sonra QHT-lər xarici donordan aldığı qrantlar və xidməti müqavilə üzrə aldıqları vəsitlərə dair məlumatları Ədliyyə nazirliyinin “vahid pəncərəsinə” kağız daşıyıcıda deyil elektron formatda təqdim edəcək. İkincisi, ianələrə dair məlumatlar da bundan sonra elektron şəkildə təqdim olunacaq.
Hər iki şərhdən QHT-lərin fəaliyyətinin elektronlaşması, əlavə get-gəldən və izahi vaxt itkisindən azad olmaları aydın olur.
“Qeyri-hökumət təşkilatlarının təsis sənədlərində edilən dəyişikliklərin, eləcə də qeydə alınmış faktların hər bir sonrakı dəyişikliklərinin dövlət qeydiyyatı da bundan sonra elektron şəkildə həyata keçiriləcək. Bu həm də QHT-lərin hesabat-seçki yığıncaqlarından sonra reyestr məlumatlarının dəyişdirlməsinə aiddir”-deyə Sahib Məmmədov dəyişikliklərdən irəli gələn növbəti üstünlüyü açıqlayıb.
Yekunda isə ekspert bildirib ki, dəyişikliklər şəffalığın artmasına, dövlət orqanlarının müvafiq fəaliyyətlərə vahid informasiya sitemi vasitəsi ilə nəzarət etməsinə, Bankların isə qrant, sifariş və inanələrlə bağlı qeydiyyatın olub olmamasını görməyə imkan verəcək.
Bu isə QHT fəaliyyəti üçün böyük avantajdı.
//qhtxeber.az
