Kult.az xəbər verir ki, səfərdən sonra Leyla Əliyeva Şuşaya həsr etdiyi yeni şeiri sosial şəbəkə hesabında paylaşıb.
L.Əliyevanın şeirinin tərcüməsini təqdim edirik:
Bülbülə bənzəyən sehrli gülüm,
doğma zirvələrdə çiçək açırsan.
Cənnətsiz illəri yaşamamışam...
Doğma da yaşasın, yad, başqası da;
dünya ki böyükdür, hamı sığışar!
Necə yaşamışam illərlə necə?
Ruhum üşüyübdür iztirablarda.
Şeirdə vəzn və məna, heca var;
Çoxlu öyrənməli, çalışmalısan.
Mənimsə ruhumda şeir özü var,
Yaradan yaradır;
Bəlkə də bir qədər naşı alınır,
lakin yazılarda həqiqət vardır.
Doğma diyarları itkin olandan,
O qədər ürəyə dağ çəkilib ki,
Əzablar yurduma cıdır salıbdır,
Sənə dualarla üz tuturduq biz.
Sehrli diyarım, gördüm röyamda;
Bir tərlan dağlardan qanad açıbdır.
Xarıbülbül ruhumda çiçək açıbdır,
Allahım, illərlə həsrətdim sənə!
Böyüķdür Yaradan; xeyir qalibdir!
Əfsus, hamılıqla dönməsələr də,
insanlar yurdlara qayıdacaqlar.
Şeirim mükəmməl olmasa belə,
inanın, dahilər qınamaz məni!
Tərcümə edən: Aynur Nurlu
