AZƏRTAC xəbər verir ki, bunu Meşələrin İnkişafı Xidmətinin rəisi Namik Xıdırov Ekologiya və Təbii Sərvətlər Nazirliyinin rəsmi “Facebook” səhifəsində canlı yayımlanan “Ekspert saatı”nda deyib.
N.Xıdırovun sözlərinə görə, meşəbərpa tədbirləri zamanı əsasən meşəcinsli ağacların - palıd, cökə, fıstıq ağaclarının toxumu payızda tədarük olunur və meşələrin açıq sahələrinə, talalara, seyrək hissələrə səpilir. Bu da gələcəkdə minlərlə ağacın əmələ gəlməsinə şərait yaradır.
